Foleza
Pyetje të shpeshta
Përgjigjet e shkurtra për gjërat që prindërit pyesin më shpesh para se ta provojnë Folezën.
Çfarë është Foleza?
Një aplikacion me lojëra mësimore në shqip për fëmijët e vegjël. Lojërat janë në një qytet me pesë vende, dhe në secilin fëmijën e pret një mik që i tregon si luhet.
Për çfarë moshe është?
Për fëmijë rreth 3 deri në 8 vjeç. Çdo lojë përzien detyra të lehta me disa pak më të vështira, kështu që loja mbetet interesante teksa fëmija rritet.
A duhet të dijë fëmija të lexojë?
Jo. Miqtë flasin me zë dhe lojërat luhen duke dëgjuar dhe duke prekur.
A është vetëm në shqip?
Po. Foleza është bërë për fëmijët që flasin shqip, në Shqipëri, në Kosovë dhe kudo në botë, ndaj çdo mik flet shqip.
Si e kontrolloj kohën e lojës?
Te paneli i prindit zgjidh sa minuta në ditë, orën e gjumit dhe qëllimin e javës. Kur koha mbaron, loja ndalet vetë.
A mund ta hapë fëmija panelin e prindit?
Jo. Paneli hapet me Face ID, gjurmën e gishtit ose kodin e telefonit. Në një telefon pa kod, prindi zgjidh një mbledhje.
Çfarë të dhënash ruan aplikacioni?
Kohën e lojës, yjet dhe nivelet, si dhe emrin, vitin e lindjes dhe foton e fëmijës nëse i shton. Aplikacioni nuk kërkon as kamerën, as mikrofonin, dhe prindi mund ta fshijë historikun dhe llogarinë kur të dojë.
A ka reklama ose blerje brenda?
Jo. Foleza nuk ka reklama dhe fëmija nuk mund të blejë asgjë.
A duhet internet?
Po, që lojërat të hapen dhe yjet të ruhen në llogarinë e prindit.
Në cilat pajisje punon?
Në iPhone, iPad dhe Android, me një llogari prindi për të gjithë telefonat e familjes.